Guhtis bässá subtsastit ietjas vásádusájs?
Kommisjåvnnå bivddi sámijt, juogu de ságájdahttema bále jali tjálalasj subttsasij baktu, vihtanasstet ja subtsastit ietjasa jali fuolkij vásádusájs dat politijkas mij la stáhtas dåjmadum sijá vuosstij, ja gåk histårjålasj vierredago li vájkudam sámij udnásj vidjurijt. Sáme juohkka álldaris, goappátjagá nuora ja vuorrasa, bessi vihtanasstet.
Gåk ságájdahttema ja tjálalasj subttsasa aneduvvi?
Ságájdahttemijt báddiji ja tjáledi. Jus dån ságájdahttema maŋŋela sidá duoddit jali duollit diedojt, jali dajt máhtsadit, de l máhttelis nåv dahkat. Goappátjagá jiednafijla ja tjállusa vuorkkiduvvi kommisjåvnå lunna. Tjállusij hárráj, ságájdahteduvve l namádibmen. Gut ij sidá namádibmen årrot, sujna l riektá dasi. Jiednafijla, tjállusa ja tjálalasj subttsasa li sekretessa vuolen. Gájkajn gudi barggi kommisjåvnån la sjávovälggogisvuohta. Daj njuolgadusáj milta ma li dálla fámon, gájkka materiálla vuorkkiduvvá Riksarkivet-vuorkán dan maŋŋel gå kommisjåvnnå l bargov gärggam. Materiálla de l ájn suoddjidum sekretessa vuolen, valla oadtju diedojt vaddet jus dajs la dárbbo åtsådibmáj jali statistijkkaj, jali jus diedo älla aktugattjaj njuolgga tjanádum.
Diedojt, ma bigoduvvi ságájdahttemij bále ja tjálalasj subttsasij baktu, Duohtavuohtakommisjåvnnå adná
- kárttim- ja guoradallambargon, ja gå oajvvat biedjamdagojt, ja
- gå álmmugij gaskos máhttu
dagáv sámij histårjås, ja gåk histårjålasj vierredago li vájkudam sámij udnásj vidjurijt.
Gå diedet ietjas ságájdahttemij?
Kommisjåvnnå bivddi ságastallamtjåhkanimijda Sámeednamin svieriga bielen ja muhtem bájkijn oarjje Svierigin 2023–2024. Tjåhkanime bále kommisjåvnnå diedet ietjas bargo birra ja aj bivddi aktugattjajt ságájdahttemijda. Le máhttelis ietjas diededit ja ságájdahttemij ájgev diŋŋgot ságastallamtjåhkanimij bále.
Dån máhtá ietjat diededit ságájdahttemij. Rája de ietjat aktavuohtadiedojt adrässaj ku.sanningskommissionen.samer@regeringskansliet.se jali breva baktu. Ge adressav vuollelin. De dåjmadahka aktavuodav válldá dujna vaj ájgás boahtet ájge hárráj.
Ságájdahttema åvdemusát tjadáduvvi digitálagit jali telefåvnå baktu, valla le aj máhttelis muhtem sajen man birra l ájgás boahtám.
Dån máhtá aj aktavuodav válldet:
Tjálle/ságájdahttema Marja-Kristin Skum
076-127 37 64
marja-kristin.skum@regeringskansliet.se
Tjálle/ságájdahttema Lena Kroik
076-113 65 46
lena.kroik@regeringskansliet.se
Tjálle/ságájdahttema Elli-Ristin Tuorda
076-110 94 16
elli-ristin.tuorda@regeringskansliet.se
Vihtanusáj tjoahkkima hárráj, kommisjåvnå vuodovuojnno l ulmutja oassálassti miedogisát. Dan diehti dån iesj hähttu ietjat diededit jus sidá ságájdahttemij. Jus soames ietjas diedet sáttakulmutja baktu, de hähttu vuostak ájgas boahtet dan hárráj.
Gåsi mån rájav tjálalasj subttsasav?
Rája ietjat tjálalasj subttsasav dán adrässaj ku.sanningskommissionen.samer@regeringskansliet.se jali breva baktu dán adrässaj:
Regeringskansliet
Duohtavuohtakommisjåvnnå sámeálmmugij
Ku 2021:02
Kv Garnisonen
103 33 Stockholm
Dån oattjo årrot namádibmen.
Dánna dån máhtá låhkåt gåk mij giehtadallap duv ulmusjdiedojt!
Goassa ja gånnå ságájdahttema tjadáduvvi?
Barggo ságájdahttemij álggá 2023 ja joarkká ålles jagev ja muhtem ájge 2024. Gå dån la ietjat diededam ságájdahttemij, de mij válldep aktavuodav dujna vaj ájgás boahtet ájge ja saje hárráj, ja aj makkir giellaj ságájdahttem galggá tjadáduvvat. Ságájdahttemav aj máhttá tjadádit digitalagit.
Máhttelisvuohta doarjjoságastallamij
Gå subtsas vájves vásádusájs jali álbádusájs, de dassta unugis dåbdo soajtti badjánit ma li gássjela giehtadallat. Gájka gejt kommisjåvnnå ságájdahttá oadtju máhttelisvuodav doarjjaságastallamijda. Dån oattjo diedojt dan birra ságájdahttema bále. Jus dujna juo li gatjálvisá, de riŋŋgi 076-136 70 67 vaj ienep diedojt oadtjot.
Tjálle/ságájdahttemij Marja Skum
marja-kristin.skum@regeringskansliet.se
Mobijlla, +46 (0)761273764
Tjálle/ságájdahttemij Lena Kroik
lena.kroik@regeringskansliet.se
Mobijlla, +46 (0)761136546
Tjálle/ságájdahttemij Elli-Ristin Tuorda
Mobijlla, 076-110 94 16
elli-ristin.tuorda@regeringskansliet.se
Dån máhtá årrot tjiehkusin
Dánna máhtá låhkåt gåk mij giehtadallap duv iesjdiedojt. Lågå ienebuv dánna! (sváldas) LÄNK!
Goassa ja gånnå ságájdahttema tjadáduvvi?
Barggo ságájdahttemij álggá 2023 ja joarkká ålles jagev ja muhtem ájge 2024. Gå dån la ietjat diededam ságájdahttemij, de mij válldep aktavuodav dujna vaj ájgás boahtet ájge ja saje hárráj, ja aj makkir giellaj ságájdahttem galggá tjadáduvvat. Ságájdahttemav aj máhttá tjadádit digitalagit.
Máhttelisvuohta doarjjoságastallamij
Gå subtsas vájves vásádusájs jali álbádusájs, de dassta unugis dåbdo soajtti badjánit ma li gássjela giehtadallat. Gájka gejt kommisjåvnnå ságájdahttá oadtju máhttelisvuodav doarjjaságastallamijda. Dån oattjo diedojt dan birra ságájdahttema bále. Jus dujna juo li gatjálvisá, de riŋŋgi 076-136 70 67 vaj ienep diedojt oadtjot.