Gie maahta sov vaajesem mijjine juekedh?
Kommisjovne saemide böörie dej vaajesidie soptsestidh, dovne goerehtallemen tjirrh jallh maehtieh aaj tjaaleldh dej vaajesem soptsestidh jïjtsh dååjrehtsijstie jallh gïen jeatjebi dååjrehtsh mijjine juekedh dehtie politihkeste mij dïhte reereme saemiej vööste åtneme, jïh guktie daate saemide daan biejjien dijpieh.
Guktie goerehtallemidie jïh tjaaleldh soptsestimmieh nuhtjesuvvieh?
Goerehtallemidie baantedibie jïh dejtie printebe. Jis datne goerehtallemen mænngan sïjhth maam akt lissiehtidh, maam akt jorkesovvedh jallh bïevnesh sliejhtedh dle nöörh dam darjodh. Tjoejenassh jïh tjaaleldh bïevnesh kommisjovneste spååresuvvieh.
Goerehtallemidie maam printebe dle nommide slijhtebe jïh leah tsiemeds.
Tjoejenassh, tjaalegh jïh tjaaleldh vaajesh leah tjeakoes. Gaajhkesh dovnesh mah kommisjovnesne berkieh sjaevehts dïedtem utnieh. Daaletje laaken mietie dle gaajhkh materijaalh Rïjhkevåarhkose (Riksarkivet) spååresåvva gåessie prosjeekte galhka. Gaajhkh materijaalh leah tjeakoes jïh ajve bïevnesh vadtasuvvieh jis edtja dotkemisnie jallh statihkesne nuhtjesovvedh, jallh ibie maehtieh bïevnesistie daejredh gïeh bïevnesidie jeahteme.
Dïhte mij daejstie goerehtallemijstie båata Saetniesvoetekommisjovneste nuhtjesåvva. Saetniesvoetekommisjovne sæjhta daejtie bïevnesidie dej barkosne nuhtjedh.
- dej gïehtjedimmie- jïh salkehtimmiebarkosne jïh dej evtiedassine, jïh
- dej maahtoedorjehtimmesne saemiej vaajesen bïjre jïh guktie dah nåake deahpadimmide saemiej vööste saemide daan biejjien dijpieh.
Guktie darjodh jis sïjhth goerehtallesovvedh?
Kommisjovne tjåanghkose böörie, Saepmesne sveerjen raedtesne jïh muvhth stielline åarjene. Kommisjovne tjåanghkose båata, dej barkoen bïjre bïevnedieh jïh goerehtallemasse böörie. Datne maahtah åvtelhbodti kommisjovnem bieljelidh båatah jïh maahtah goerehtallemem tjåanghkoebiejjesne dangkodh.
Datne maahtah daelie joe mijjiem bieljelidh jis sïjhth goerehtallesovvedh, seedth dle dov bïevnesidie diekie; ku.sanningskommissionen.samer@regeringskansliet.se jallh prieviem tjaeledh (vuartesjh tjaelemesijjie vuelelen) dan mænngan kommisjovnen sekretariaate datnem bieljele jïh goerehtallemem latjkeden. Kommisjovnen maadthvåarome almetjh edtjieh jïjtje veeljeldh jis sijhtieh dej dååjrehts kommisjovnine juekedh jallh goerehtallesovvedh. Jis sïjhth goerehtallesovvedh tjoerh mijjiem bieljelidh. Jis bieljelh saadthålman tjirrh dle tjoerebe goerehtallemeålmine soptsestidh jïh satnine latjkedh.
Guktie edtjem aktem tjaaleldh dååjrehtsem juekedh?
Datne maahtah dam dov vaajesem diekie seedtedh,
ku.sanningskommissionen.samer@regeringskansliet.se jallh prievine daan tjaelemesæjjan:
Sanningskommissionen för det samiska folket (Ku 2021:02)
Regeringskansliet
Kv.Garnisonen
103 33 Stockholm
Marja-Kristin Skum
076-1273764
marja-kristin.skum@regeringskansliet.se
Lena Kroik
076-1136546
lena.kroik@regeringskansliet.se
Elli-Ristin Tuorda
076-110 94 16
elli-ristin.tuorda@regeringskansliet.se
Datne åadtjoeh tsiemeds årrodh.
Daesnie maahtah lohkedh guktie mijjieh dejtie dov persovneles bievnesidie vaarjelibie. Lohkh vielie
Gåessie jïh gusnie edtjebe datnem goerehtalledh?
Goerehtallemebarkojne aelkebe jaepien 2023, jïh 2024 aalkoeraajan. Gosse datne leah bieljelamme sïjhth goerehtallesovvedh, dle mijjieh sijhtebe datnem bieljelidh jïh nååhtedibie. Maehtebe aaj digitaale goerehtalledh.
Nuepie duvtemegaskesadtemem åadtjodh
Gosse nåake dååjrehts- jallh mïedtelimmien bïjre soptsestamme dle maahta nåake mojhtesh/domtenassh vijht jijhtedh. Gaajhkesh dovnesh mah kommisjovneste goerehtallesuvvieh duvtemefaaleldahkem mænngan åadtjoeh. Jeenjebh bïevnesh dan bïjre åadtjoeh gosse goerehtallemisnie orreme. Mejtie dov naan gyhtjelassh, maahtah seamma gåessie ringkedh; 076-136 706