Duohtakommisjåvnnå sámeálmmugij
Duohtakommisjåvnnå sámeálmmugij la stáhta guoradallam mij la biejadum mannuj maŋŋel “hemställan” Sámedikkes. Kommisjåvnnå la berustahtek ja iesjrádak doajmme mij galggá dålkkut ja tjadádit dav ámmádav mij tjielggiduvvá direktijvan ráddidusás. Direktijvva gávnnu låhkåt dánna [Sváldas direktijvvaj.]
Juo 2008 tjálij dat sámij nuorajorganisasjåvnnå Sámenuorra tjállagav dallusj åvdåsvásstediddje minisstarij gájbbádusájn vaj ráddidus galggá álgadit duohtakommisjåvnåv. 2019 guodij Sámedigge sisi “hemställanav” Kultuvrradepartemänntaj dajna vaj stáhta galggá mákset prosessav vaj ássat bälostahtek duohtakommisjåvnåv. Sámedigge lij juo guhkev dájna ássjijn barggam. Jagev maŋŋel oattjoj Sámedigge ráddidusás doajmman álgadit ja dabrrit bargov sámesebrudagán. Sámedikke rappårtå dan bargos gávnnu låhkåt dánna [Sváldas rappårtåj.] Ráddidus mierredij loahppagietjen 2021 vaj ássat duohtakommisjåvnåv sámeálmmugij. Ájrrasa mierreduvvin biehtsemáno 2022.
Sierraláhkáj gå la gatjálvis moadda ietjá kommisjåvnåjs de ij gávnnu moallánahka ”såbadibme” dán nammadusán kommisjåvnån. Sijá “hemställanin” kultuvrradepartemänntaj åvddåjbuvtij Sámedigge vaj duohtakommisjåvnnå jáhkedahtte tjuovoduvvá såbadimprosessas maŋŋel tjadádum kommisjåvnnåbargo, diehttelis la vaj da bagádusá majt kommisjåvnnå ävtot tjadájduvvi.
Ietjá duohta- ja såbadimkommisjåvnnå Sámen
[Sváldas vuona kommisjåvnnåj]
[Sváldas suoma kommisjåvnnåj]
Ietjá duohta- ja såbadimkommisjåvnnå stáhtaj ja iemeálmmugij gaskan
[Sváldas Kanada]
[Sváldas Grönland]
Ietjá duohta- ja såbadimkommisjåvnnå duornosvákkegijda, kvänajda ja lantalaiset
[Sváldas Duornosvákkekkommisjåvnnåj]
Kerstin Calissendorff, åvduk
Laila Sussanne Vars, ájras.
Marie B Hagsgård, ájras.
Anna-Lill Drugge, ájras.
Marianne Liliequist, ájras.
Eivind Torp, ájras.
Jonas Monié Nordin, ájras.
Gunlög Fur, ájras.
Bertil Marklund, ájras.
Patrik Lantto, ájras.
Ulf Mörkenstam, ájras.
Jon Dunås, oajvvetjálle.
Sanna Vitestam, guoradallamtjálle.
Marja-Kristin Skum, tjálle/ságájdahttemij.
Raija Kärkkäinen Eriksson, sadjásasj tjálle.
Malin A Junkka, tjálle/Aktavuohtaj.