Mijá barggogåhttjusin li gålmmå oajvveoase:
• Kárttit ja guoradallat dav politijkav mij la dåjmadum sámij vuosstij, ja guoskevasj oasálattjaj dåmadimijt dav politijkav tjadádattijn.
• Vuojnnusij buktet ja oabllodit diedojt sámij vásádusájs ja lasedit gájkkásasj dádjadusáv sámij histårjås, ja gåk histårjålasj vierredago li vájkudam sámij udnásj vidjurijt, ja oabllodit kommisjåvnå maŋijbåhtusijt dajs tjuovvosijs majt dat politijkka l buktám.
• Oajvvadit biedjamdagojt doarjodittjat tjuodtjelahttemav, ja åvdedittjat såbadimev ja viesso sáme sebrudagáv.
Barggogåhtjos tjielggiduvvá maŋemusát javllamáno 1. biejve 2025.