Mijá barggodoajmma la juogedum gålmmå oajvveássáj:
• Kárttit ja dárkestit dav politijkav mij la fievrridum sámeálmmuga vuossti, ja dajda gudi li tjadájdam dav politijkav.
• Tjalmostahttet ja juohket máhtov sámij vásádusájs ja lasedit almulasj dádjadusáv sáme histåvrås ja gåk histåvrålasj nuppástime li vájkudam dálásj vidjurijt sámijda ja juohket máhtov kommisjåvnå båhtusijs ja vájkudimijs dan åvdusj politijkas
• Biedjat oajvvadusájt dåjmajda vaj viehkedit tsieggit ja doarjjot såbadimev ja aj viesso ja nanos sámesebrudagáv.
Barggodoajmma galggá dahkat hiejttemtjielggidusáv maŋemusát 1 biejve javllamáno 2025.