Duohtavuohtakommisjåvnnå l stáhtalasj guoradallam mij la ásadum Sámedikke ánulvisá milta. Ráddidus la nammadam dan ájrrasijt Sámedikkijn rádedime milta. Kommisjåvnnå l bieledis ja iesjráduk orgána. Le ájrrasa gudi mierredi bargo hárráj ja åvdåsvásstedi kommisjåvnå oajvvadusájs. Åvddåulmusj lájddi kommisjåvna bargov. Kommisjåvnnå tjåhkan juohkka gudát jali gávtsát vahko.
Dåjmadahka
Dåjmadahka tjuottjot kommisjåvnå bargov ja gárvet dan märrádusájt. Dåjmadahka åvdåsvásstet iehtjádij siegen guoradallambargos, ja ásat tjåhkanimijt ja tjadát persåvnålasj ságájdahttemijt.
Ságastallamtjåhkanime Sámeednamin
Kommisjåvnnå bivddi ságastallamtjåhkanimijda Sámeednamin svieriga bielen ja muhtem bájkijn oarjje Svierigin, ma álggi 2023. Tjåhkanimij ulmme l oabllodit diedojt mijá barggogåhttjusis ja oasev válldet vuojnojs ja oajvvadusájs, ja aj nannodit mijá bargov sámeálmmuga lunna. Ájggomussan la tjåhkanime galggi årrot iehpeformálalattjan gånnå oassálasste bessi árvvádallat ja ságastallat kommisjåvnå barggogåhttjusa birra. Ietjá ájnas ulmme l diededit le máhttelis subtsastit ietjasvásádusájs persåvnålasj ságájdahttema baktu.