Kommišuvdna
Duohtavuođakommišuvdna sámi álbmoga váras lea stáhtalaš guorahallan mii lea virgáduvvon Sámedikki gáibádusa vuođul. Lea stáhtalaš lávdegoddi man lahtut leat nammaduvvon ráđđehusas. Kommišuvdna lea seammás sorjjasmeahttun ja iešráđálaš orgána. Lahtut mearridit mearrádusaid barggu birra ja lea ovddasvástádus kommišuvnna evttohusas. Ságadoalli jođiha lávdegotti barggu. Kommišuvdna doallá čoahkkima sullii juohke guđát gitta gávccát vahku.
Čállingoddi
Čállingoddi pláne, organisere ja gieđahallá kommišuvnna barggu ja válmmaštallá mearrádusa. Čállingottis lea ovddasvástádus earret iežá guorahallanbargguin, lágidit čoahkkimiid ja čađahit persovnnalaš jearahallamiid.
Ságastallančoahkkimat Sámis
Ruoŧa beal Sámis ja muhtin sajiin oarje Ruoŧas kommišuvdna bovde ságastallančoahkkimiidda álgguin 2023. Čoahkkimiid áigumuš lea juohkit dieđuid min bargogohččuma birra ja beassat váldit oasi ja nannet min barggu sámi álbmoga luhtte. Jurdda lea ahte galget leat eahpeformálalaš čoahkkimat ságastallamiiguin gos oassálastit besset smiehttat ja ságastallat kommišuvnna bargogohččuma birra. Okta iežá dehálaš áigumuš lea dieđihit vejolašvuođa birra juohkit iežas muitalusa persovnnalaš jearahallamis.