ww-290_2100px_cjutsi
Foto: C J Utsi

Kárttim

Duohtavuohtakommisjåvnnå sámeálmmugij galggá kárttit ja guoradallat dav politijkav mij la dåjmadum sámij vuosstij ja dan tjuovvusijt sámeálmmugij. Kommisjåvnnå l mierredam guoradallat nielje oajvvesuorge sinna.

Da li:

Láhkaásadibme ja ráddjima ma guosski ednamijda, tjátjijda ja nåv vil. Dán suorggáj aj ávkkim luonndoluohkojs gullu.

Sámij nággojåhttåma.

Ällosujttoriektá, ja ájnnasit tjuovvusa boatsojguohtomlágas jagen 1928 ásadum.

”Lapp-ska-vara-lapp”-politijkka, nállebiologiddja ja háddjim sáme kultuvrraárbes. Dán suorggáj aj giella- ja skåvllåpolitijkka gullu.

Oajvvesuorgijn li ienep oassesuorge. Ietjá suorge soajtti sjaddat ássjen guoradallama vuolláj, buojkulvissan tjuovvusin dajs subttsasijs majt kommisjåvnnå oadtju ságájdahttemij bále jali tjálalasj subttsasij baktu.

Dánna dån máhtá ienebuv låhkåt iehtjádij siegen kommisjåvnå vuojno birra kárttimdiedoj hárráj ja gåk bargov bierri tjadádit.