Saetniesvoetekommisjovne saemide edtja goerehtidh jïh joekehtehtedh staaten politihkem maam saemiej vööste dorjeme, daej njielje åejviedajvine.
Daah leah:
Tjaetsie- jïh eatnemelaake jïh raastegieseme (daesnie aaj gaertjiedimmie gåatomelaanteste).
Jåhtajehteme saemijste.
Båatsoelaake (joekoen dam 1928 jaepien båatsoelaake jïh mij daestie bööti)
«Lapp- ska-vara-lapp» -politihke, naeliebiologije jïh saemiej kultuvreaerpiem skilkedh ( daesnie aaj gïele- jïh skuvlepolitihke)
Åejviedajve joekehth tsiehkine juekielåvva. Maehtebe aaj naan daejstie tsiehkijste goerehtidh, vg. jis vaajesh govlebe jallh dåastoejibie.
Lohkh vielie kommisjovnen barkoe goerehtallemasse jïh guktie daejnie barkedh. (linke)