Jaepien 2000 Sveerje Eurovperaerien mieriekonvensjovnem–vaarjelimmie nasjonaale unnebelåhkojde jïh dïhte europeejehke njoelkedasside laanten- jïh unnebelåhkoengielide nænnoesti. Seamma aejkien unnebelåhkoepolitihke jïjtje politihkeaamhtese sjïdti
Sveerjen unnebelåhkoepolitihken ulmie lea dejtie nasjonaale unnebelåhkojde vaarjelidh jïh nænnoestidh guktie nuepiem åadtjoeh jïjtjereeredh jïh dejtie histovrijeles unnebelåhkoegielide jealajehtedh.
Sverige edtja dejtie nasjonaale unnebelåhkoej reaktide vaaksjodh mah dej internasjonaale åålmehreaktaj mietie tjirkesuvvieh. Unnebelåhkoelaake lea Eurovperaerien mieriekonvensjovne mietie- vaarjelimmie nasjonaale unnebelåhkoegïelide jïh Eurovpen unnebelåhkoegïeli njoelkedassi mietie.
Unnebelåhkoelaaken sïejhme njoelkedassi mietie dle reerenassh dïedtem utnieh dovne saemide jïh jeatjah aalkoeametjidie vaarjelidh guktie edtjieh dej kultuvrem, identiteeten, religijovnem, gïelem, vuekieh jïh kultuvreaerpiem vaarjelidh jïh baajedh aalkoealmetjidie jïjtje reeredh gyhtjelassine/aamhtesinie mah dej bïjre.
Dej gïelenjoelkedassi mietie dle saemien gïelh, såevmiegïele jïh meänkieli dejtie histovrijeles geografijes krïevenasside utnieh.
Akte gïele gïelestatusem byjjesgïeline jis dïhte laante Eurovperaerien unnebelåhkoegïelekonvensjovnem dåhkasjehteme (aaj Eurovpen gïelenjoelkedassine gohtje). Eurovperaerie konvensjovnide vaaksjode jïh raerieh vadta mij lea daerpies bueriedidh.
Lohkh vielie unnebelåhkoepolitihken bïjre daennie sæjrosne: Minoritet.se