Ruoŧŧa ratifiserii Eurohparáđi rámmakonvenšuvnna suoji birra našuvnnalaš unnitloguide ja eurohpalaš njuolggadusa riikaoasse- dahje unnitlogugielaid birra jagi 2000. Dán oktavuođas unnitlogupolitihkka ásahuvvui iežas politihkkasuorgin. Ulbmil ruoŧa unnitlogupolitihkain lea addit suoji našuvnnalaš unnitloguide, nannet sin vejolašvuođaid váikkuhanvejolašvuhtii ja doarjut historjjálaš unnitlogugielaid nu ahte bissut eallin.
Ruoŧŧa galgá sihkkarastit našuvnnalaš unnitloguid vuoigatvuođaid čuovvuleami, mat earret iežá čuvvot riikkaidgaskasaš geatnegasvuođaid olmmošlaš vuoigatvuođaid birra. Unnitloguláhka lea huksehuvvon Ruoŧa geatnegasvuođaid mielde Eurohpáráđi rámmakonvenšuvnna suoji birra našuvnnalaš unnitloguide ja eurohpalaš njuolggadusa riikaoasi- dahje unnitlogugielaid birra.
Unnitlogulágaid oppalaš mearrádusat oaivvildit ahte stáhtaválddiin lea celkojuvvon ovddasvástádus nu ahte sámi ja iežá nášuvnnalaš unnitlogut galget sáhttit seailluhit ja ovddidit kultuvrraset ja identitehtaset, namalassii osku, giela, árbevieruid ja kulturárbbi ja addit eamiálbmogiid sámiide ja iežá našuvnnalaš unnitloguide duohta váikkuhanvejolašvuođa áššiin mat gusket sin.
Sámi giella čeavžá gáibádusaid historjjálaš geográfalaš čatnosa giellanjuolggadusa ektui ovttas suomagielain ja meänkielain. Giella ožžo almmolaš sajádaga unnitlogugiellan dalle go riika ratifisere Eurohpáráđi unnitlogugiellakonvenšuvnna (maid gohččoduvvon eurohpalaš giellanjuolggadus) giela váras. Eurohpáráđđi vákšu konvenšuvnnaid čuovvuleami ja addá ávžžuhusaid maid dárbbaša doaimmahit.
Loga eanet unnitlogugiellapolitihka birra dás Minoritet.se (linka)